პროექტები

შეზღუდული შესაძლებლობის მქონე ქალთა ორგანიზაციის გაძლიერების მხარდაჭერა, რათა მოხდეს საქართველოში შეზღუდული შესაძლებლობის მქონე ქალთა მოძრაობის განვითარებისა და ეროვნული განვითარების პროგრამებში მათი ჩართვის ხელშეწყობა.

პროექტის გეოგრაფიული დაფარვის არეალი: თბილისი, გურია და აჭარა.

• გაზრდილია ორგანიზაციის ადამიანური რესურსი გაწვრთნილი და კვალიფიციური კადრით ადვოკატირებისა და მონიტორინგის პროცესების წარმოებისთვის  და   ეფექტური  კომუნიკაციის მეთოდების ხერხების გამოყენებით სოციალური მედია აქტივობების წარმოებისთვის;
• შექმნილია ქალთა ინტეგრირებული კლუბი, შეზღუდული შესაძლებლობის მქონე  ქალების (გოგონების) რესოციალიზაციისა და გენდერული თანასწორობის ხელშეწყობისთვის;
• შემუშავებულია  ორგანიზაციის  განვითარების სტრატეგიული გეგმა (2014-2017 წწ),  განსაზღვრულია 2  სტრატეგიული მიზანი: ა) შეზღუდული  შესაძლებლობის მქონე ახალგაზრდა ქალების  გაძლიერება საკუთარი უფლებების დაცვისთვის; ბ) შეზღუდული შესაძლებლობის მქონე  ქალების (გოგონების) მხარდაჭერა, სხვათა თანასწორად ხელმისაწვდომი ჯანდაცვის უფლების განხორციელებისთვის, მათ შორის, სექსუალური და  რეპროდუქციული ჯანმრთელობის უფლებით სარგებლობისთვის;
• დაწყებულია შეზღუდული შესაძლებლობის  მქონე  ქალების სამოქალაქო და პოლიტიკური უფლებების თვითადვოკატირების პროცესი -  2014 წლის ადგილობრივი თვითმმართველობის წინასაარჩევნო პერიოდში. ჩატარებულია პოდიუმ დისკუსია გურიისა და აჭარის რეგიონის  ქალ კანდიდატებთან.