კითხვა: იღებს თუ არა ასისტენტი გადაწყვეტილებებს შეზღუდული შესაძლებლობის მქონე პირის ნაცვლად?
პასუხი: არა, ასისტენტი არ იღებს გადაწყვეტილებებს შეზღუდული შესაძლებლობის მქონე პირის ნაცვლად.
- ყველა გადაწყვეტილებას იღებს თავად შეზღუდული შესაძლებლობის მქონე პირი(ბენეფიციარი): რას აკეთებს, როდის, სად და ვისთან ერთად.
- ასისტენტი ასრულებს ბენეფიციარის მითითებებს და ეხმარება იმ ქმედებების განხორციელებაში, რისი გაკეთებაც მას დამოუკიდებლად უჭირს.
- ასისტენტს შეუძლია გააჩნდეს მოსაზრება ან მისცეს რჩევა, თუ ბენეფიციარი ამას ითხოვს, მაგრამ საბოლოო არჩევანს ყოველთვის ბენეფიციარი აკეთებს.
კითხვა: ვინ აფინანსებს პერსონალური ასისტენტის მომსახურებას?
პასუხი: პერსონალური ასისტენტის მომსახურება ფინანსდება სახელმწიფო პროგრამის ფარგლებში.
კითხვა: შეიძლება თუ არა რომ ოჯახის წევრი იყოს პერსონალური ასისტენტი?
პასუხი: არა, ოჯახის წევრი ვერ იქნება პერსონალური ასისტენტი.
პერსონალური ასისტენტის სერვისი ემსახურება დამოუკიდებელ ცხოვრებას. ოჯახის წევრთან ურთიერთობა კი ხშირად ემყარება მზრუნველობას და გადაწყვეტილებების ერთობლივად მიღებას, რაც ბენეფიციარის დამოუკიდებლობას ზღუდავს.